U PUORCU E RU PATRUNE

 

Nu viecchiu staccatu, tuttu scancaratu,

intra n'uortu abbannunatu,

spiava de na ngaglia nu puorcu chi gru­gnia e dicia:

Patrù! Va bene ca sugnu puorcu

però de ccussì nu sse tratta,

ppecchì tutta a vita mia,

mi ha f'fattu durmire m'mienzu a feten­zia...

U patrune rispunniu: Oh quantu si ggru­gnu?

Manci, vivi e d'duormi, eppuru nu nce juornu

chi nu m'me canti ssu ruocculu

e dde cchiù me parri ccu stizza

Certu! Disse ru puorcu:

Chissu ppe v'vue u de prudizza.

Prima mammazzi, dopu me pisi a nna vilanza,

mu cunti si t'abbastu ppe quantu dura ll'annu,

mu te inchiu ssa panza, de prisuttu e dde canizza;

quannu pienzu ca sugnu puarcu e v’vue patrone

a mie me vene ra paura, u core mi s’anniura cumu nu cravune

e mme vatte a cinquecento all’ura.

 

 

<<

Centro di Cultura per l’Educazione Permanente UNLA via Vittorio Butera 88040 Conflenti (CZ)

Tutti i diritti riservati UNLA Conflenti

Progettazione e Realizzazione CR

via Marconi 88040 Conflenti (CZ)

Per maggiori informazioni @