RAZZA CUJJIENTARA

 

A v'valle du munte i Rivintinu

si trovanu i Cujjienti,

s'aspira nn'aria salutare e f'’fina

chi e quatrare schette e maritare

sunu belle, janche e r'russe .

cumu u sule quannu sta' ppè tramuntare.

­I giuvani quatrari

sunu nu puocu turduni

e ll'amuri u s'sanu fari.

E fimmine maritate

migliu nu nce' sta'

ca sunu tutte quante jine d'unista'.

Pue ppe' d'dire l'uomini

sunui na pasta e galantomini,

e nnu paise calimu, placidu e tranquillu,

tantu veru, cumu oje e c'cumu ieri,

quasi mancu cci fora

bisuognu e caserma de Carabinieri.

I Cujjienti e ventumatu

nu s' sulu da Calabria

e dde tuttu u vicinatu

se pruduce nnu vinu,

tipu del Savutu

chi a parola fa vinire a ri muti

e sana puro li malati

ancora dicu: .

Ca ha razza nostra

Cujjientara, nna datu:

poeti, letterati e alti magistrati.

E nnu paise d'artigiani

varvieri, cistari e varrilari,

tutti pratici e f'fini du mistieri

le sue opere a mostre

regionali c'hanu prisintatu

sunu state assai apprezzate

eppuru insigniti e premiati.

 

 

<<

Centro di Cultura per l’Educazione Permanente UNLA via Vittorio Butera 88040 Conflenti (CZ)

Tutti i diritti riservati UNLA Conflenti

Progettazione e Realizzazione CR

via Marconi 88040 Conflenti (CZ)

Per maggiori informazioni @