IL BRIGANTE D'IERI E IL MAFFIOSO DI OGGI

 

A nnu chianu de rumanu

n'aggiellu de rapina

s'avia arrapinatu na gallina,

ccu' ra granche la spinnava

e ccu ru pizzu a sbudellava.

Nu lupu chi nu bulennu

si truvau passannu,

se fermau e lle diciu:

L'aggielli de rapina,

siti tutti quanti

ne passa de briganti

ppecchì de ssa manera nu ss'ammazza.

Iu invece lupu,

scannu nu muntune

chi mancu si nn'adduna

i pili ccu ri dienti me l'arrassu,

Lugne chianu chianu

ccè li c'cacciu,

u sangu ccè lu tiru

a g'guccia a g'guccia

e d'dopu minn'inchiu lu mustazzu

 

ppè mustrare a ssi

piscicani e terra

c'autru u s'sacciu

fare mu l'ammazzu.

Dopu puocu tiempu l'amici s'affruntaru

e sse dezeru ra manu, diciennu:

Assieme avimu de marciare

nn'avimu d'accurdare

mu a ssi piscicani e terra

ccè dichiaramu guerra.

 

Na rana ch'era stinnicchiata

intra nu surcu abbiveratu,

sintiennu ssu discursu

subitu fice nnu sautu diciennu:

Cumu va! Chi vue aviti carta janca,

arrapinati, ammazzati,

e siquestrati a gente

e nessunu m'hai ve dice n'nente?

Mentre s'ammazzu nu surice iu,

tuttu u munnu fa dell'ira d'iddiu.

Certu! Disse ru lupu

si piscicani ciancianu

a curpa u de dda mia,

ppecchì a ritiempi d'oie

ccè assai libertà e puocu democrazià.

 

 

<<

Centro di Cultura per l’Educazione Permanente UNLA via Vittorio Butera 88040 Conflenti (CZ)

Tutti i diritti riservati UNLA Conflenti

Progettazione e Realizzazione CR

via Marconi 88040 Conflenti (CZ)

Per maggiori informazioni @