CHI TENE DINARI E U DA CCHI NNE FARE CUMPRA PIACURE

E RE    DUNA A GUARDARE

U PIECURARU E RU PATRUNE

 

Ppè nnu zandraru fitusu

e nna pisciariiata de dare

vigure a' nnu piezzu de terra olivetate,

ha' pinzatu ddo Giacobbe mu

se cumpra na mandra de

piecure e dde crape.

U piecuraru, nu surice d'asprune,

scustumatu e strafuttente

quannu jia a ra casa du patrune

u cappiellu u ssu cacciava

e m'mancu le dicia:

Buo giornu vussugnuria.

U patrune scuntientu,

ca puocu cci purtava

du mienzu chi l'ha aspettava,

nu juornu lu chiamau e lle diciu:

Ccu t'tantu arru

a ssu piezzu de tamarru

cumpa'! A ssu munnu

c'cè vo nn'ugna d'unistà,              ­

ppecchì de ssa manera nu sse campa;

u piecuraru a sse parole

ncapu na vampa le viniu

è ccu t'tantu stizzu rispunniu:

Chissa è ll'ugna, si vue

ferare fierri e c'citu,

sinno' umatinu piecure

e capre ve l'lassu chiuse a ru varrizzu.

U patrune prima se torce

ru mustazzu e ppue l'ha ddittu:

Parti, e gira quantu vue,

ca ccà t'aspiettu,

si Vue manciare puru

e schiettu, nu piezzu

de carne d'agniellu

e ade capriettu.

 

 

<<

Centro di Cultura per l’Educazione Permanente UNLA via Vittorio Butera 88040 Conflenti (CZ)

Tutti i diritti riservati UNLA Conflenti

Progettazione e Realizzazione CR

via Marconi 88040 Conflenti (CZ)

Per maggiori informazioni @