INEDITA

 

A ru paise nuostru di Cujjienti,

ccè nna brutta usanza

chira gente c' accumpagna

u muortu a ru cimiteru

quannu vene v'viernu e nnu disperu,

ppè putire arrivare bisogna fare,

due chilometri e strada de campagna.

Pue quannu nivica e chiove,

oppure schicciuliia

a gente se lagna

e sbrumbuliia.

Don Adamu parrucchianu

cumu a ru munnu

se usa e sse custuma,

a ru primu crucivia se ferma

se piglia u ncinzieri m'manu

e ra bara ccè jetta

na spunzata du luntanu,

mentre a parte dolente

nu sse ferma,

per licenziare a gente.

L'autri a m'murata,

chine avanti chine arrieti e gente chi dice:

U muortu e m'muortu,

pero' ppe nnue e nna vera sfacchinata.

 

<<

Centro di Cultura per l’Educazione Permanente UNLA via Vittorio Butera 88040 Conflenti (CZ)

Tutti i diritti riservati UNLA Conflenti

Progettazione e Realizzazione CR

via Marconi 88040 Conflenti (CZ)

Per maggiori informazioni @